Крстајиќ се огласи: За жал осудени сме на селективна правда…(фото)

Стратегот на „Орлите“ официјално реагираше на својот Инстаграм профил по повод вчерашниот натпревар помеѓу Србија и Швајцарија.

Селекторот, Младен Крстајиќ беше исклучително разочаран од ситуацијата во која судијата Феликс Брих одлучи да не се консултира со ВАР системот после прекршокот над Александар Митровиќ во шеснаесентикот.

Српскиот напаѓач во 64 минута од средбата при нафрлувањето од Душан Тадиќ го соборија Шер и Лихштајнер, но Германецот во тој момент досуди контра фаул.

„За жал само Србите изгледа се осудени на селективна правда, некогаш проклетиот Хаг, а денес во фудбалот, ВАР“, напиша Крстајиќ на својот Инстаграм профил.