Репрезентацијата на Данска запиша големи три бода на стартот на Мундијалот откако успеа да го победи Перу со 1:0.
Перуанците беа подобар противник во текот на целиот меч и промашија многу изгледни шанси, а најголем трагичар беше Кристијан Куева кој промаши пенал во 45-та минута.
Судијата дури по прегледување на снимката со ВАР технологија покажа на белата точка по стартот врз Куева, но истиот играч шутираше над голот.
И во второто полувреме Перу беше подобар противник, но казната поради промашените шанси стигна во 59-та минута кога Полсен погоди за 1:0.
До крајот Перуанците со сите сили се обидоа да постигнат гол, создадоа неколку зрели шанси, но не успеаа да дојдат до израмнување.
Коментари
Учество во игри на среќа е дозволено за лица со 18+ години. Играј одговорно!