Федерер не беше брилијантен, но победнички ја стартуваше сезоната на трева

Роже Федерер победнички ја започна сезоната на трева.

Швајцарецот се врати со победа после паузата од скоро три месеци, но далеку од тоа дека беше убедлив.

Федерер на стартот на АТП турнирот во Штудгарт го елиминираше домашниот играч Миш Зверев со 2:1 во сетови (3:6, 6:4, 6:2), но имаше и многу осцилации во својата игра.

Тоа донекаде беше и очекувано бидејќи го немаше на теренот уште од турнирот во Мајами, а овој меч беше негов прв на трева од почетокот на сезоната. Изгледаше дека

Зверев може тоа да го искористи, првиот сет прилично лесно го реши во своја корист, но не успеа да го скрши отпорот на Швајцарецот.

Федерер успеа во игра да се врати во вториот сет и дојде до психолошка предност, што на крајот беше и клучно за прашањето на победникот.

Швајцарецот во ¼ финалето ќе игра помеѓу подобриот од Аргентинецот Пелје и Индиецот Ганесварна.