Рома го пушта Наинголан за 40 милиони евра

Раководството на Рома е подготвено да се раздели со еден од најдобрите поединци, Раџа Наинголан за 40 милиони евра, тврдат италијанските медиуми.

Најсилен интерес за Наинголан покажува Интер, бидејќи Белгиецот е најголема желба на тренерот Лучијано Спалети. Сепак, таквиот трансфер може да се случи само во јули, поради правилата на финансискиот ферплеј.

Рома е спремна да се раздели со популарниот „нинџа“, особено после привлекувањето на Брајан Кристанте од Аталанта кој игра на истата позиција.

Сега остананува да видиме дали Интер е спремен да плати 40 милиони евра или ќе се обиде додатно да ја намали цената.