Буфон на маса има понуди од европски гиганти!

Џанлуиџи Буфон денес ги шокираше сите кога објави дека го напушта Јувентус, но нема да стави крај на кариерата.

Иако сите очекуваа дека 40-годишниот голман ќе објави пензионирање, Буфон потврди дека има примамливи понуди и дека најверојатно ќе ја продолжи кариерата.

„До пред 15 дена бев сигурен дека овде е крајот и дека ќе одам во пензија, но сега не мислам така. Пристигнаа многу понуди и во следните денови ќе одлучам што е најдобро за мене“, истакна Буфон.

Она што е интересно е што Буфон одбива да се пресели во некоја „егзотична“ дестинација како Кина или САД, туку најави дека ќе игра во клуб со големи амбиции.

„Сигурно е дека нема да играм во Италија или во клуб кој нема големи амбиции, бидејќи јас сакам да се натпреварувам на највисоко ниво“, изјави Џиџи.

Италијанските медиуми пренесуваат дека Буфон има понуда од Ливерпул, кој е во потрага по врвен голман, а другата понуда е од ПСЖ.

Una CLAMOROSA notizia di mercato! Parola di @tancredipalmerihttps://t.co/6Glx26E1Rl

— SNAI (@SNAI_Official) May 17, 2018