Италијанците ги копираат Шпанците: Голема промена во италијанскиот фудбал

Лидерите на Серија А потврдија дека од следната сезона италијанските клубови ќе можат да формираат Б тимови, исто како и Шпанците.

Б тимовите ќе започнат да се натпреваруваат во Серија Ц и ќе имаат право да изборат пласман во Серија Б, но нема да можат да се натпреваруваат во најелитното рангирање. Овој предлог одамна го предложија Јувентус и Милан.

„Клубовите од Серија А можат да формираат свои Б тимови кои ќе играат во Серија Ц. Б екипите ќе можат да имаат играчи до 21 година и двајца играчи кои не смеат да имаат повеќе од 23 години. Б клубовите ќе можат да напредуваат, но никогаш тимови од ист клуб не можат да играат во иста лига“, изјави Алесандро Костакурта.

Веста не беше пречекана со воодушевение во повеќето клубови кои се натпреваруваат во Серија А, а најмногу им смета тоа што немаше најава во врска со Б тимовите. Сепак, многумина на Апенините сметаат дека оваа одлука ќе го подобри квалитетот на лигата во Италија.