Коларов и Џеко “затрупани“ со пораки пред вечерашниот дуел

Фудбалерите на Рома вечерва играат на гости против Ливерпул во првиот полуфинален натпревар во ЛШ.

Волчицата направи неверојатен подвиг со победата на Барселона во четвртфиналето, но од римскиот клуб најавија дека не сакаат да застанат тука. Рома е многу блиску до финалето, но за таа цел ја имаат пречката во Ливерпул. На денешната прес-конференција Александар Коларов призна дека се надевал дека ќе игра во полуфиналето против поранешниот клуб Манчестер Сити.

“Ќе беше добро за мене и Един Џеко да се вратиме со Рома на Етихад и навистина верувавме дека Манчестер Сити може да ја надомести негативата против Ливерпул, но сега, како поранешни играчи на Сити, ова е за нас некоја освета. Добивме голем број на пораки од навивачите на Сити кои сакаат да го дадеме максиумот и верувам дека ќе биде така “, изјави Коларов.

Српскиот фудбалер веќе некое време не го обожава Ливерпул, а познато е дека во соблекувалната имаше дрес од Евертон додека настапуваше за Манчестер Сити.