Легендарниот италијански голман тврди: Буфон требаше да го удри во лице судијата!

Одлуката на судијата Оливер да досуди пенал за Реал Мадрид во 93-та минута на мечот против Јувентус предизвика многу полемики.

Капитенот на „старата дама“ Џанлуиџи Буфон ги загуби нервите и се нафрли на судијата, за што доби црвен картон, а после мечот без влакна на јазикот го нарече англискиот судија „ѓубре од човек“.

Легандарниот италијански голман Стефано Такони, кој цели 9 сезони го носеше дресот на Јувентус, со својата изјава додатно крена прашина.

Имено, Такони тврди дека Буфон, знаејќи дека ја завршува кариерата, требало да го удри судијата.
„Кога веќе знае дека наскоро ја завршува карирата, требаше да го удри во лице. Тоа би бил одличен крај на една прекрасна кариера“, истакна Такони.

„Не можете да досудите пенал во 94-та минута. Психолошки сите се под притисок, а вие не може туку-така да го решите натпреварот“, додаде поранешниот италијански голман.