Легендарниот италијански тренер, Марчело Липи го советуваше Масимилиано Алегри да ги игнорира другите понуди и да остане во Јувентус.
Липи се огласи откако се појавија шпекулации дека Алегри би можел да се пресели во ПСЖ или во некој клуб од Англија:
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Нормално е да биде загрижен поради Наполи, но во поглед на неговата иднина не смее да има дилеми – не смее да го напушти Јувентус. И јас имав понуди да заминам но останав бидејќи Јувентус е врв“, истакна Липи, а потоа се осврна на борбата за титулата.
„Кога се ќе ставам на вага, морам да кажам дека Јувентус е фаворит, но разликата е минимална, што покажува и табелата. Во Наполи знаат дека ќе мора да го победат Јувентус во Торино доколку го сакаат Скудетото. Тој натпревар ќе биде одлучувачки“, смета Липи.