Лекиќ го спаси Вардар од пораз против Будуќност

Вардар остана непоразен и по осум одиграни натпревари во регионалната ВРХЛ лига откако одигра реми против Будуќност (25:25).

Вардарки ја осигураа одбраната на титулата уште со победата над Крим од 32:21, а денес одиграа реми против големиот ривалот Будуќност.

Неизвесно беше до самиот крај, но Андреа Лекиќ со гол во последните секунди му донесе реми на тимот. Тимот од Подгорица ја имаше иницијативата во речиси целиот дел од натпреварот, а во финишот имаше и два гола предност 24:22.

Лекиќ и Цвијиќ погодија за израмнување, 24-24. Останаа уште 30 секунди з анапд во кои Будуќност брзо реализираше гол, а Лекиќ во последната секунда донесе реми.

Најефикасна беше токму Лекиќ со осум голови, по четири дадоа Пенезиќ и Хмирова.