Младинците загубија во натпревар со седум погодоци – Амановиќ два пати стрелаше и беше исклучен

Maкедонската репрезентација до 21 година не успеа да ја прекине серијата порази во квалификациите за Европското првенство кое ќе се одржи во 2019 година.

Младинците денес загубија во натпревар со седум погодоци (3:4) и тоа со гол кој Русија го постигна во 94 минута од средбата.

Селекторот Благоја Милевски направи промени во тимот, а тоа вроди со плод барем кога е играта во прашање. Покажавме карактер и добар настап, на два пати се враќавме од негатива, но сепак не издржавме и примивме гол во последните моменти.

Треба да спомене дека пред оваа средба на три натпревари немавме постигнато погодок.

Двоен стрелец беше Амановиќ од пенал во 41 минута, Петковски во 64 минута и Амановиќ повторно со пенал, но овој пат не директно. Во 90 минута двојниот стрелец Амановиќ го заработи вториот жолт картон и беше исклучен.

Четири минути подоцна Русите успеаа да стигнат до гол за победа.