Македонија – Финска: Најава и анализа

Македонија веќе неколку дена се наоѓа во Анталија, каде се подготвува за двата пријателски натпревари со Финска и Азербејџан. Првиот дуел се игра во петок и тоа против потешкиот противник, Македонија – Финска. Македонија е во одлична серија, но во добра форма е и Финска па се се сведува на размислување дека ова ќе биде еден доста интересен но и неизвесен меч.

Македонија сака продолжување на успешната серија

Дуелот Македонија – Финска треба да биде круна на одличната мината година за нашата репрезентација. Македонија во 2017 година играше одлично. Серијата која ја има македонската репрезентација е една од најубавите во историјата, 10 меча во кои забележа 5 победи, 4 нерешени средби и само еден пораз и тоа од моќната Шпанија. Освен со Шпанија, Македонија беше аутсајдер и на останатите натпревари освен на првиот и предпоследниот меч против Лихтенштајн против кого на два пати славеше. По првиот меч со Лихтеншатјн следеа два пријателски меча и две одлични изданија, победа над Белорусија со 3:0 и реми со Турција ( двата меча се одиграа во Скопје ). По тие пријателски мечеви дојде и поразот од Шпанија со 1:2. На ред дојде Израел и победата во Тел Авив со 0:1, како и ремито против Албанија во Струмица 1:1. Следуваше наградата за одличната година, односно ремито и бодот во Торино кај гигантот Италија. Минатата година ја заокруживме со одлична победа од 2:0 против Норвешка во пријателски меч во Скопје.

Ангеловски мораше да промени нешто во одбраната

Селекторот Ангеловски мораше да направи промени во репрезентацијата. Тој се ослони на истите фудбалери кои му донесоа позитивни резултати минатата година, но кои тешко дека ќе можат да го повторат тоа. Зошто ? Велковски нема одиграно меч за Вардар со месеци. Освен тоа тренира со младинците на тимот поради тоа што одби да го продолжи договорот со тимот. Зајков од почетокот на минатата година до сега за Шарлероа има одиграно само 7 натпревари. Уште поголем проблем е што Ангеловски во тимот нема класичен лев бек. Принудно на таа позиција ќе игра Кире Ристевски кои многу подобро се снаоѓа на централната бековска позиција.

И Финска се наоѓа во добра серија

Како и Македонија, така и Финска заврши на предпоследното 5-то место во својата група за пласман на СП. Но за разлика од Македонија, Финсла беше во многу полесна група со: Исланд, Хрватска, Украина, Турција и Косово. Финците завршија со само две победи и тоа над Исланд и Косово и три ремија, наспроти петте порази. Може да се каже дека Финска имаше слична кампања како и Македонија. Имаше лоша прва половина на квалификациите но истите ги завршија со по две победи и ремија во последните 4 меча. Во завршните два меча, тие успеаја да останат непоразени против многу тешки противници, Турција и Хрватска. Финска славеше и во последните две пријателски средби со Естонија и Јордан, но овој пат тие ќе се соочат со многу посериозен противник. За разлика од Ангеловски, финскиот селектор направи неколку промени во тимот и ја зголеми конкуренцијата на речиси сите позиции.

Целосната анализа прочитајте ја на специјализираниот портал kladenje.mk