Револуција на Олд Трафорд: Мурињо ја отвора излезната врата за 10 фудбалери

Менаџерот на Манчестер Јунајтед, Жозе Мурињо е спремен да прави комплетна реконструкција на тимот во текот на летниот преоден рок, бидејќи јавно потврди дека не е задоволен од постоечкиот кадар.

„Мирор“ пренесува дека дури 10 фудбалер на лето ќе го напуштат „Олд Трафорд“ и дека Мурињо спрема комплента револуција.

Прв на листата е Лук Шо, скапо платениот бек кој влезе во конфликт со „Специјалниот“, па сигурно ќе биде продаден на лето. Дејли Блинд и Матео Дармијан исто така ќе го напуштат „Олд Трафорд“, додека Маруан Фелаини нема да го продолжи договорот и ќе замине како слободен агент.

Мајкл Карик најави крај на кариерата, додека Златан Ибрахимовиќ веќе потврди дека заминува на крајот на сезоната.

Покрај овие фудбалери кои сигурно заминуваат, неизвесна е иднината уште на Крис Смолинг, Хуан Мата, Андер Ерера и Ентони Марсијал, за кого интерес покажува Јувентус.

Весникот тврди дека во четвртокот Мурињо имал средба со генералниот директор Ед Вудворд и му ја претставил својата намера. Тоа значи дека раководството повторно треба да одобри 300 милиони евра за нова селекција, а дел од таа сума ќе биде финансирана со продажба на споменатите фудбалери.