Надал кон луѓето кои го водат тенисот: До кога вака, постои и живот после тенисот…

Рафаел Надал го предаде мечот против Марин Чилиќ, а по овој меч секогаш мирниот Шпанец овој пат остро ги нападна луѓето кои го водат тенисот.

Шпанецот од четвртиот сет имаше големи проблеми со мускулот, неговото движење беше слабо и на стартот на одлучувачкиот сет при негатива од 0:2 го предаде мечот, а потоа ги нападна луѓето од врвот на овој спорт.

„Јас секогаш сум позитивна личност, но ова…Оние кои го водат овој спорт би требало да се запрашаат зошто повредите на тенисерите се се почести. Навистина ги има премногу, премногу играчи се повредени. Мората да започнете да размислувате за здравјето на играчите. Постои живот и после тенисот…До кога да играме на вака тврди подлоги и да се грижиме што ќе ни се случи во иднина?“, зборуваше Надал.