Фелаини заминува од Манчестер Јунајтед, но останува во Премиер лигата?

Белгискиот интернационалец, Маруан Фелаини се наоѓа на излезната врата од Манчестер Јунајтед.

Фелаини стана вишок под водство на Жозе Мурињо, па затоа во јануарскиот трансфер период би можел да ги напушти „Црвените ѓаволи“. Неколку клубови веќе се јавија за потписот на споменатиот играч, кој веќе со години настапува во англиската Премиер лига. Најпрво интерес покажаа Галатасарај и Фенербахче, а наскоро и ПСЖ се споменуваше како негова нова средина.

Меѓутоа, според последните информации кои пристивнуаат од Островот, Белгијанецот се наоѓа на радарот на Вест Хем. Фелаини во досегашниот дел од сезоната одигра вкупно 12 натпревари и постигна четири гола во дресот на „Црвените ѓаволи“.