Валтер Мацари го враќа Нестор во Серија А веќе овој месец?

Торино неодамна го отпушти Синиша Михајловиќ, а на негово место беше доведен Валтер Мацари.

Како што пренесуваат италијанските медиуми, Валтер Мацари веднаш ги истакнал своите идеи поврзани со трансферите, а помеѓу желбите на Мацари се најде и нашиот Илија Несторовски кој е вистински предводник на Палермо.

Палермо во овој момент се наоѓа на лидерската позиција во Серија Б со 39 освоени бодови и еден од главните кандидати за враќање помеѓу најдобрите во Италија.

Од Палермо истакнуваат дека имаат желба да ги задржат Несторовски и Трајковски, но тоа веројатно ќе биде тешка мисија посебно кога станува збор за Несторовски кој веќе од вториот дел од сезоната би можеле повторно да го гледаме во Серија А.