Како после Кутињо? Ова е планот на Ливерпул!

Ливерпул конечно попушти, Кутињо се сели во Барселона. Ова денеска официјално го потврдија клубовите.

Кутињо беше лидер во тимот на Клоп и несомнено сега клубот мора да бара негова замена до крајот на преодниот рок.

Британските медиуми веќе почнаа со шпекулација околу евентуалната замена за Кутињо, а како прва трансфер цел на Клоп се споменува фудбалерот на Монако, Томас Лемар.

Овој фудбалер и летоска се поврзуваше со Ливерпул, беше на чекор и до трансфер во Арсенал, но сепак остана во Монако.

Наводно и самиот фудбалер изјавил дека сака да заигра во дресот на тимот од „Енфилд“. Лемар е незадоволен во Монако, откако од клубот си заминаа клучните фудбалери од минатата сезона.

Летоска се спомнуваше сума од 90 милиони евра, наводно Арсенал беше спремен толку да плати за неговите услуги, но Монако таа понуда ја одби во последниот ден од преодниот рок.

Сега со сигурност би прифатиле и помала понуда, бидејќи клубот не сака да има незадоволни играчи во ростерот. Останува да видиме во наредните денови како ќе се развива ситуацијата.

Покрај Лемар, како евентуална замена за Кутињо се споменува Рајан Марез од Лестер, за кој Ливерпул ќе треба да издвои не помалку од 30 милиони фунти.