Само што се врати од повреда, Јувентус го испраќа на позајмица, во игра три клуба?

Марко Пјаца сеуште чека на дебито за Јувентус оваа сезона.

Хрватскиот репрезентативец се опорави од повредата и за младинскиот тим на „старата дама“ прикажуваше фантастични настапи. Меѓутоа Масимилијано Алегри не сакаше да ризикува, а според најновите информации од Апенините, Пјаца би можел да биде испратен до позајмица на крајот од сезоната.

„Ќе разговараме со Марко за неговата иднина. Мора повеќе да игра после девет месеци пауза и заедно со него ќе ја донесеме најдобрата одлука“, изјави Алегри.

Едноставно за Пјаца во Јувентус нема премногу простор за игра покрај Квардадо, Бернардески, Даглас Коста, Паоло Дибала и Марио Манџукиќ. Токму поради тоа шансите Јувентус да го испрати на позајмица се реални, а заинтересирани клубови секако дека не недостасуваат.

Шалке, Монако и Зенит се најголемите фаворити за доведување на Пјаца како позајмен фудбалер до крајот на сезоната.

Хрватот исто така мора да биде внимателен бидејќи пред него е важна полусезона во која ќе се бори за место во селекцијата на Хрватска за Мундијалот во Русија наредното лето.

Di Marzio: "Monaco, Zenit e Schalke su Pjaca. Toccherà al giocatore scegliere la… https://t.co/DlCO7O83Nj

— ♥ SOLO JUVE ♥ (@JUVENTUS_mylove) December 29, 2017