Видео: Ќе ги запре ли некој моќните „граѓани“? – Машинеријата на Пеп го прегази и Тотенхем

Со почеток во 18:30 часот во англиската Премиер лига беше одиграно дербито на колото.

Манчестер Сити продолжува да „гази“ во Премиер лигата, денешна жртва беше тимот на Тотенхем кој беше поразен со 3:0.

До водство „граѓаните“ стигнаа со погодокот на Илкај Гундоган во 14 минута од натпреварот. Тоа беше и единствениот погодок во првиот дел.

Во вториот следуваа многу повеќе возбудувања. Кевин Де Брујн во 70 минута погоди за 2:0, а само пет минути подоцна Габриел Хесус не реализираше пенал, а од одбиената топка Рахим Стерлинг промаши голема прилика.

Сепак, Стерлинг успеа да се поправи и тоа на десет минути до крајот кога зголеми на 3:0, но тоа не беше се од него, во последната минута од натпреварот успеа и втор пат да погоди за 4:0. Конечните 1:4 и почесниот гол за Тотенхем ги постави Кристијан Ериксен во судиското продолжение.