Лони Вокер IV останува без договор во НБА, се враќа во Европа?

Лони Вокер IV, американскиот кошаркар кој неодамна стана клиент на познатиот агент Мишко Ражнатовиќ, остана без ангажман во НБА лигата. Денвер Нагетс одлучија да го отпуштат 27-годишниот бек, отворајќи му можност за враќање во Европа каде што веќе има сериозен интерес за неговите услуги.

Според информациите од Eurohoops, Бешикташ е еден од главните кандидати за неговиот потпис, а уште два клуба ја следат ситуацијата и размислуваат за можноста да го ангажираат.

Вокер во септември потпиша договор за тренинг-камп со Денвер, надевајќи се на враќање во најсилната лига на светот. Сепак, не успеа да се наметне во подготовките, играјќи само 17 минути во две претсезонски натпревари со учинок од четири поени, три скока, две асистенции и една украдена топка. Поради тоа, неговиот договор не беше гарантиран и Денвер реши да му се заблагодари пред почетокот на новата сезона.

Сега се отвора можност Вокер да продолжи кариера во Евролигата, каде што веќе покажа дека може да биде еден од позабележителните индивидуалци. Својата европска епизода ја започна во Жалгирис во сезоната 2024/25, а потоа настапуваше за Макаби Тел Авив, каде што во минатата сезона просечно бележеше 15,2 поени, 2,5 скока и 2,2 асистенции по натпревар.

Турскиот клуб Бешикташ, кој не ја започна најдобро сезоната 2026/27, активно бара засилувања, а Вокер би можел да биде играчот кој ќе донесе индивидуален квалитет во нападот.