Умтити без дилема: „Кој треба да ја освои Златната топка? Мбапе!“

Поранешниот француски репрезентативец Самуел Умтити нема дилема околу тоа кој треба да ја освои престижната „Златна топка“.

На прашањето кој според него ја заслужува наградата, Умтити го посочи Килијан Мбапе.

„Кој треба да ја освои Златната топка? Килијан Мбапе“, изјави Умтити.

Тој посебно го истакна учинокот на Мбапе во изминатата сезона, како на клупски, така и на репрезентативен план.

„Тоа што го направи минатата сезона беше неверојатно, и за неговиот клуб и за Франција. Постигна толку многу голови“, додаде Умтити.

На крајот, Французинот беше јасен:

„Тој ја заслужува.“