Дури сега ќе „гори“ во Шпанија: Комитетот за судии призна дека Реал е ограбен

Атлетико во големото мадридско дерби го победи Реал со резултат 2:1, но од редовите на „кралскиот клуб“ имаа многу притужби на делење на правдата.

Веднаш по натпреварот се огласи Jose Mourinho кој на прес конференција донесе две фотографии на кои според мислењето на „кралскиот клуб“ се гледаат ситуации кои влијаеа на текот на натпреварот.

Но, ниту ден подоцна ништо ново. Уште не се слегнала прашината по мадридското дерби, а од Шпанија доаѓаат информации кои дополнително ќе ја распалат веќе и онака жешката расправа за судењето.

Според информациите што ги објави AS, во Комитетот за технички судии (CTA) се свесни за неколку грешки направени во текот на натпреварот помеѓу Атлетико и Реал Мадрид.

И една од нив особено ќе ги заболи навивачите на Кралевите. Kang-In Lee, според ставот на CTA, требал да биде исклучен поради старт на Federico Valverde.

Судијата Miguel Ángel Ortiz Arias не покажа ниту жолт картон, а VAR во таа ситуација не се огласи. Во CTA, според информациите на AS, сметаат дека е збор за грешка и ситуација за директен црвен картон.