Aргентинецот од Ливерпул се растажил: Видов дека други ги продолжија договорите…

Познатиот аргентински фудбалер Алексис Мекалистер истакна дека е разочаран што Ливерпул не му понуди нов договор ова лето, додавајќи дека секогаш го дава најдоброто од себе за овој англиски великан.

Кога се чинеше дека мирот се врати во “Енфилд”, Мекалистер излезе на прес-конференција пред стартот на Лигата на шампионите и сподели непријатна вистина со навивачите на Ливерпул.

“Имаше можност да го напуштам клубот ова лето. Како што сите знаат, добив информација дека клубот не е во состојба да ми понуди нов договор, што ме прави многу, многу разочаран, но сè уште има време за тоа да се промени”, рече аргентинскиот репрезентативец на прес-конференцијата пред утрешниот дуел со мадридски Атлетико.

Свесен дека не може секогаш да одигра совршено, поранешниот играч на Брајтон додаде дека секогаш го дава максимумот, потсетувајќи дека некои играчи соработуваат со Ливерпул подолго време.

“Гледам дека Доминик Собослаи и Рајан Гравенберх ги продолжија договорите и тоа ме радува затоа што тие го заслужуваат, но во исто време ме тажи што јас уште не сум го добил своето продолжение. Секако, се уште има време. Навивачите не треба да се грижат бидејќи ќе го давам најдоброто додека сум тука”, вели играчот чиј актуелен договор со Ливерпул истекува во летото 2028 година.

Потоа откри дека ова лето имаше опција за заминување, но одлучи да остане со „црвените“.

“Ќе видиме што ќе се случи. Имаше можности за заминување ова лето, но сметам дека сум во вистинскиот клуб и имам правилен пристап – да го дадам најдоброто од себе за овој клуб”, изјави играчот од средниот ред.

Потоа се осврна на причините зошто Ливерпул не му понудил нов договор, истакнувајќи дека не постоеле директни разговори со клубот, туку дека информациите ги добил од својот агент.

“Не сакам да прикачувам зборови кои не биле изговорени, но според она што го слушнав од мојот агент, тие не биле во позиција да го продолжат договорот со мене. Вистински тажно е, бидејќи освоивме Премиер лига заедно и поминавме низ тешки моменти, а јас секогаш го давав најдоброто од себе. Ќе видиме што ќе се случи, но секако дека тоа ме прави малку тажен”, наведе тој.