Mурињо пред почетокот на ЛШ се жалеше на судењето во Шпанија

Тренерот на Реал Мадрид, Жозе Мурињо, денес се обрати на прес-конференција пред натпреварот од Лигата на шампионите против Интер.

Португалецот на кормилото на „Кралскиот клуб“ се осврна на настаните од претходното коло во Примера против Бетис, каде што неговиот тим претрпе прв сезонски пораз.

Мурињо беше особено директен околу пеналот за Реал, уверувајќи дека требаше да биде повторен.

“Не сакам многу да зборувам за судискиот критериум. Загубивме од Бетис, затоа што не ја искористивме нашата офанзивна игра за да постигнеме голови. Но, за пеналот, зошто не беше повторен? Дали е тоа затоа што ВАР не ги знае правилата или затоа што не сакаше? Ако ВАР не го повторил од незнаење, тогаш треба дома да си оди. Ако е затоа што не сакал, тоа е уште полошо. Ако не ги знаеле правилата, зошто не го повикаа судијата да погледне на монитор? Навистина е чудно,” изјави Мурињо.

Понатаму подвлече дека сака да претпостави дека станува збор за незнаење од страна на судиите.

“Јасно сакам да нагласам, не загубивме поради тоа, бидејќи можеби ќе промашевме и пеналот, но би сакал да знам зошто не го повторија. И уште нешто — зошто нашиот капитен Винисиус добива жолт картон. Приоѓа кон судијата и овој му покажува жолт картон. Капитенот има право да му се доближи на судијата и да побара објаснување,” се прашува тренерот на Реал.

Да потсетиме, првиот натпревар од групите во Лигата на шампионите меѓу Реал и Интер ќе се игра утре на „Сантијаго Бернабеу“ во 21 часот.