Некогаш беше бразилска ѕвезда денеска е бездомник: Не сакам луѓето да знаат дека постојам

Регис Питбул беше познато име во бразилскиот фудбал. За време на неговата кариера, играше за дури 13 клубови во Бразил, меѓу кои најпознати беа Коринтијанс и Васко да Гама.

Настапуваше и во странство, и тоа во Турција со Газиантепспор, во Португалија за Маритимо и во Јужна Кореја за Даејеон.

Играше на позициите среден играч и крилен напаѓач, а професионалната кариера ја заврши во 2013 година. Денес, со 49 години, неговиот живот изгледа сосема поинаку.

“Најдобро е сите да мислат дека сум мртов. Не сакам никој да знае дека постојам”, изјави Питбул во кратко интервју за бразилските медиуми.

Зависност од кокаински крек го направи поранешниот играч Регис Питбул да живее на улица: “Ако верувате дека сум мртов, тоа е подобро”.

Тој наскоро ќе наполни 50 години, бил затворен за напад врз управител и сега живее под настрешница во парк во Сао Паулоhttps://t.co/NpCRaagyyl

— Emilio Botta (@emiliobotta) September 2, 2026

Поранешниот фудбалер со години се бори со сериозна зависност од крек, многу силна форма на кокаин. Зависноста го доведе до тоа да го изгуби својот дом, а денес живее на улиците на Сао Пауло и Пиритуба, каде се обидува да најде храна и основни потреби.

Неговата некогашна спортска форма е далеку, тој е сега изразито слаб и живее во импровизирано засолниште од ќебиња, картони и брезулови. Луѓето кои го сретнуваат ретко го препознаваат како некогашен фудбалер кој играше на познати стадиони.

Питбул остана без дом поради неплатени обврски и даноци. Поседува една недвижност, но не може да пристапи до неа заради спор што се води за долгови.

Проблемите уште повеќе се усложија минатата година. Во 2025 година, Питбул нападна управител на зграда, по што беше уапсен.

И покрај сето тоа, не е сосема заборавен.

“Некои навивачи сакаат да ми помогнат. Коринтијанс ми е омилен клуб и уште ме паметат со љубов”, изјави Питбул за Globo.

Разговорот се одвиваше во кафеана што честопати ја посетува. Таму користи тоалет, го полни мобилниот и понекогаш добива оброк платен од поранешни соиграчи.

“Сакам да останам во мојот агол. Не сакам да ме вознемируваат. Ако би сакал да зборувам, ќе отидев на пазар”, рече поранешниот играч.

Се присети на животот што некогаш го имал.

“Возев БМВ и имав камион. Јадев скапи стекови… Имав пари, но сите ме знаеја, па не мораше да плаќам. Сега е лудо да замислам таков живот”.

Проблемите со зависноста не започнаа по завршувањето на кариерата. Питбул имаше проблеми со зависноста и додека играше фудбал. Двапати беше позитивен на марихуана, за што беше суспендиран.

По крајот на кариерата, ситуацијата стануваше сѐ потешка. Почна да користи ризични супстанции, а зависноста целосно го зафати неговиот живот.

Од професионален фудбалер со престижни клубови, пари, луксузни автомобили и живот за кој многумина сонуваат, Питбул е денес личност која се бори за најосновните потреби, храна, покрив над главата и малку мир.

Неговата приказна уште еднаш покажува колку брзо животот може да се сврти во сосема друг правец кога зависноста ќе преземе целосна контрола.