Финалето на Светското првенство: Полувремето ќе биде продолжено на 25 минути

Пауза меѓу двете полувремиња на финалниот натпревар од Светското првенство во фудбал, кој ќе се игра во недела на стадионот во Њујорк Њу Џерси, се планира да трае меѓу 20 и 25 минути. Причината за ова е музичката програма инспирирана од шоуто на Супер Боул.

Во текот на оваа пауза ќе се одржи 11-минутен спектакл, со учество на познатите ѕвезди како Мадона, Шакира и јужнокорејската К-поп група BTS.

Според извори од ФИФА полувремето требаше да трае околу 20 минути. Исто така, се разгледува опцијата за одржување на музичкиот програм по вообичаената 15-минутна пауза.

Правилата на фудбалската игра, кои ги носи Меѓународниот одбор на фудбалските асоцијации (ИФАБ), поставуваат дека играчите имаат право на пауза меѓу полувремињата од не повеќе од 15 минути.

Минатата година паузата во финалето на Светскиот клупски шампионат, исто така организиран од ФИФА и одржан во Њу Џерси, траеше 24 минути. Настапија Coldplay, J Balvin, Doja Cat, Tems и Емануел Кели.

Со продолжената пауза помеѓу полувремињата, ФИФА ќе ги прекрши своите фудбалски правила, каде што јасно е наведено дека паузата трае 15 минути.

Финалниот натпревар ќе започне во 15 часот по локално, односно 21 часот по средноевропско време, додека завршната церемонија ќе започне еден и пол час порано.