Џо Кол за поништениот гол на Хрватска: Една од најлошите одлуки во историјата на СП!

Поранешниот англиски репрезентативец Џо Кол остро ја критикуваше одлуката со која беше поништен голот за изедначување на Хрватска на 2:2 во драматичниот финиш на натпреварот против Португалија во осминафиналето на Светското првенство.

“Мислам дека ова е една од најлошите одлуки на Светските првенства досега”, изјави Кол во емисијата The Rest Is Football, која ја емитува Netflix UK.

Joe Cole: “I think it’s one of the worst decisions at a World Cup ever.”

Did VAR get it right?

📺 The Rest Is Football pic.twitter.com/YBQUhCq3VL

— Netflix UK & Ireland (@NetflixUK) July 3, 2026

Неговата критика се однесува на осминафиналето во Торонто, каде што Португалија ја совлада Хрватска со 2:1. Во 103. минута, Јошко Гвардиол ја испрати топката во мрежата за изедначување и голема радост кај хрватските играчи и навивачи, но по проверката на ВАР, голот беше поништен поради офсајд..

Иако на почетокот се чинеше дека ја промашил топката, вградената технологија во топката забележала контакт на Матановиќ, по што Марио Пашалиќ, кој ја прими топката, беше во офсајд позиција. Одлуката предизвика многу дискусии. Хрватска водеше со голот на Иван Перишиќ, но Кристиано Роналдо израмни од пенал, додека Гонсало Рамош го постигна победничкиот гол во судиската надокнада.