Барселона стапи во контакт со претставниците на Хари Кејн со цел да ги испита можностите за негово ангажирање по Светското првенство. Според британските медиуми, каталонскиот гигант изрази интерес, а договорено е ситуацијата да се разгледа повторно по крајот на учеството на Кејн на турнирот.
Напаѓачот на Баерн, кој има 32 години, има уште една година од договорот, а Барселона веќе истражува начини како да го финансира овој амбициозен трансфер, објавува Дејли Мејл.
И покрај интересот на Барселона, Кејн наводно е многу задоволен во Минхен, а шампионот на Бундеслигата би се спротивставил на каков било обид за продажба на својот клучен играч.
Дополнително, се дознава дека тимот на Кејн ги прекинал прелиминарните разговори со претставниците на Барселона, и се верува дека по Светското првенство, приоритет ќе им биде новиот договор со Баерн. Кејн за три сезони во Баварија освои две шампионски титули и еден германски куп.
Учество во игри на среќа е дозволено за лица со 18+ години. Играј одговорно!