Македонска ракометарка потпиша за францускиот прволигаш Париз!

Македонската ракометарка Марија Јанкуловска од следната сезона ќе ја продолжи кариерата во Франција, каде ќе настапува за прволигашот Париз 92.

Таа во францускиот клуб доаѓа од редовите на Ѓорче Петров, а овој трансфер претставува нејзин прв интернационален ангажман.

Дваесетгодишната ракометарка својата кариера ја започна во Пелистер, а настапуваше и за Металург. Со тимот на Ѓорче Петров успеа да стигне до двојната круна во домашното првенство.

Јанкуловска за клупскиот сајт истакна дека е задоволна од новиот предизвик и дека со нетрпение очекува да им се приклучи на новите соиграчки.

„Навистина сум возбудена што се приклучувам на Париз, едвај чекам да ги запознаам сите во клубот и да почнам со работа. Верувам дека со напорна работа можеме да напредуваме и да постигнеме големи работи следната сезона“, изјави Јанкуловска за клупскиот сајт.