Нема да разберам како е повикан Нејмар, кога одигра само два натпревари

Одлуката на селекторот на репрезентацијата на Бразил, Карло Анчелоти, да го вклучи Нејмар на списокот предизвика многу реакции во оваа јужноамериканска земја.

Додека некои сметаат дека присуството на еден од најголемите бразилски фудбалери е очекувано, други веруваат дека сегашната форма на напаѓачот на Сантос не го оправдува местото во репрезентацијата.

Меѓу најгласните критичари се истакна спортскиот директор на Фламенго Жозе Бото, кој смета дека Анчелоти направи неправда кон напаѓачот на Фламенго Педро.

Нејмар во изминатите два месеца одигра само два натпревари за Сантос, а клубот внимателно ги дозираше неговите настапи за да избегне нови повреди.

„Нема да разбера како играч што има одиграно два натпревари во последните два месеца е повикан во репрезентацијата. А Педро, кој има постигнато 15 гола и е најдобар стрелец во бразилското првенство во тим со проблеми во ефикасноста, не е повикан“, рече Бото