Охрид ја закажа прославата за трофејот во ЕХФ купот, еве каде и кога!

Ракометарите на Охрид испишаа историја освојувајќи го трофејот во ЕХФ Европскиот куп и така ја продолжија македонската доминација во ова натпреварување, откако минатата сезона шампион беше Алкалоид.

По големото славје по финалниот натпревар, од клубот денеска ги објавија деталите за централната прослава на европскиот успех. Навивачите ќе имаат можност да ги поздрават новите европски шампиони на градскиот плоштад во Охрид, каде што е закажан свечениот пречек.

Прославата ќе започне во 19 часот, додека пристигнувањето на ракометарите е најавено за 20 часот.

„Прославата започнува вечерва во 19 часот на градскиот плоштад, а во 20 часот ќе ги пречекаме шампионите на ЕХФ Европскиот куп“, порачаа од клубот.