Деко се врати од Англија во Барселона: Доби големо „ДА“ од одличен напаѓач

Спортскиот директор на Барселона, Деко, престојуваше во Лондон, каде што имаше средба со агентот на напаѓачот на Челси, Жоао Педро. Бразилецот е отворен за доаѓање во Каталонија.

Барселона се прости од Роберт Левандовски по четири години соработка. Полјакот замина со солзи од Камп Ноу, а Каталонците тргнаа по нов напаѓач.

Многу имиња се поврзуваат со Барселона. Најчесто тоа е Хулијан Алварез, но тешко дека шпанскиот шампион може да исплати 150 милиони евра, колку што Атлетико од Мадрид бара за Аргентинецот.

Спортскиот директор Деко се насочи кон поевтини опции. Се упати во Лондон за да разговара со агентите на бразилскиот напаѓач Жоао Педро и се врати со добри вести. Играчот е подготвен да дојде.