Маркус Рашфорд беше еден од првите фудбалери кои влегоа во конфликт со Рубен Аморим кога португалскиот стратег пристигна во Манчестер Јунајтед. Набргу потоа, англискиот репрезентативец беше отстапен во Астон Вила, клуб каде не го реализираше потенцијалот кој многумина му го препознаваат.
Зошто проблемот со улични кучиња СÈ УШТЕ постои? | Уште еден поткаст
Сепак, Барселона ја искористи ситуацијата дека Аморим сè уште не смета на овој крилен играч и го обезбеди на позајмица, со можност за откуп по цена од 30 милиони евра, што шпанскиот шампион ќе се обиде да ја намали за да го задржи играчот.
Сепак, постојат оние кои веруваат дека 30 милиони не се многу за вредноста што играчот ја демонстрира. Еден од овие луѓе е Роналд Куман, кој смета дека Каталонците мораат поради каква било цена да го задржат Англичанецот.
– Ако Барселона му дозволи на Рашфорд да се врати во Манчестер Јунајтед по оваа позајмица, ќе се кае засекогаш. Зашто 30 милиони евра на денешниот пазар, за играч со вакви карактеристики, бројки и искуство, е вистинска шанса – изјави Куман за “Ас”.
Поранешниот дефанзивец кој стана легенда како играч на Барселона, а кој исто така изгради тренерска кариера со епизоди во славниот клуб, го издвои примерот на настапот на англискиот крилен играч против Реал Мадрид.
– Рашфорд создава проблеми за противниците. Реал Мадрид изгледаше исплашено секој пат кога ќе се движеше напред. Целосно ги уништи во транзициите. Брзина, агресивност, вертикалност, самодоверба, Реал Мадрид не можеше да го сопре – ја нагласи Куман играта на Англичанецот и додаде:
– Постигна гол од слободен удар во Ел Класико, создава нумерична надмоќ, врши притисок, игра со грбот свртен кон голот, а сепак има луѓе во клубот кои се двоумат да платат 30 милиони евра за него? Тоа ми изгледа како лудост.
Со 47 одиграни натпревари оваа сезона, англискиот крилен играч има 14 голови и 12 асистенции откако пристигна во Каталонија на почетокот на сезоната.
Учество во игри на среќа е дозволено за лица со 18+ години. Играј одговорно!