Барселона има ново „чудо од дете“: Погледнете како овој 11-годишник си игра со противниците (Видео)

Веќе низ години, младинската академија Ла Масија на Барселона е позната по развивањето на врвни таленти од светот, а сега на ред е Хуго Галдеано.

Хуго Галдеано, 11-годишно момче, веќе успеа да ги воодушеви скаутите на најголемите клубови со своите вештини, и снимки од неговите неверојатни потези и дриблинзи од натпревари веќе кружат на интернет.

Со своите дриблинзи, Галдеано ги збунува противничките одбрани и е еден од најголемите таленти што сега ги има Барса. Особена внимание привлече во март на турнир организиран од Ла Лига во младинска конкуренција.

Галдеано е син на поранешниот играч на Малага, Апона, кој зад себе има 140 мечеви во Ла Лига.

Во видеото погоре можете да ги видите најдобрите потези на Галдеано. Уживајте.