Барселона со специјално барање кон Шпанија во врска со учеството на Јамал на Светското

Ќе имаат полни раце работа во наредните недели и во канцелариите, и на теренот во Барселона, каде што тимот на Ханзи Флик е блиску до одбрана на титулата во Ла Лига. Сепак, една од вестите што најмногу го искомплицираа планот во оваа завршница на сезоната беше повредата на Ламин Јамал.

Во натпреварот против Селта, големиот талент на Каталонците заработи сериозна повреда на тетивата на левата нога, која го извади од игра до крајот на сезоната. Се чини дека ќе се опорави навреме за Светското првенство летово со националниот тим на Шпанија под водство на Луис де ла Фуенте.

Во таа врска, „Спорт“ известува дека Барселона ќе има барања кон националниот тим на Шпанија во врска со учеството на Јамал на Мондијалот 2026. Клубот категорично не сака враќањето на големиот талент да биде избрзано.

Каталонците разбираат дека тој ќе биде во списокот на Луис де ла Фуенте за светското првенство, но доколку е неопходно, нема да имаат ништо против тој да пропушти некои од првите натпревари на турнирот, за да се избегнат ризици, со цел да биде целосно подготвен за позахтевната фаза.

Така, можно е Јамал да не игра ниту против Кабо Верде на 15 јуни во деби натпреварот на Шпанија на турнирот во САД, Канада и Мексико, ниту против Саудиска Арабија на 21-ви. Тој би можел да биде 100% подготвен за дуелот со Уругвај, што може да го реши првото место во групата, и потоа со доверба да ги дочека елиминациите и одлучувачката фаза на турнирот.