Бернардо Силва е приоритетната трансферна цел на Јувентус

Капитенот на Манчестер Сити Бернардо Силва е приоритетна трансферна цел на Јувентус за летото, објавува Матео Морето.

Искусниот играч во средниот ред веќе објави дека нема да го обнови истекувачкиот договор и по крајот на сезоната ќе си замине како слободен агент.

Од „Старата дама“ имаат воспоставено контакт со неговиот агент Жорже Мендеш, а наскоро се очекуваат нови контакти. Клубот, меѓутоа, ќе има сериозна конкуренција, бидејќи обожавателите на португалскиот репрезентативец се многу и вклучуваат клубови од Западна Европа, Турција, Саудиска Арабија и САД. Сепак, во Јувентус се надеваат дека ќе успеат да го убедат Силва да ја прифати токму нивната понуда, презентирајќи му конкретен спортски проект.

Сепак, од таму немаат намера да му понудат повисока плата од онаа на нивната сегашна ѕвезда Кенан Јилдз, односно 6 милиони евра по сезона, како што пишува „Газета дело спорт“. Изданието додава дека 31-годишниот играч нема да брза со својата одлука за иднината, бидејќи моментално е фокусиран на освојувањето на титулата во Премиер лигата со Сити.