Хит фотографија: Погледнете како изгледаат фудбалерите на Уганда до 15 години

На социјалните мрежи брзо стана вирална фотографијата на У-15 репрезентацијата на Уганда, а причината за тоа е навистина јасна. Речиси никој не може да поверува дека играчите на сликата имаат помалку од 15 години.

Фотографијата е направена пред почетокот на натпреварот на турнирот „CAF Schools“ (школски турнир под покровителство на Африканската фудбалска конфедерација) што се одржува во Зимбабве. Фудбалерите на Уганда, облечени во црвено-жолти дресови, позираа за тимската фотографија, но нивниот физички изглед веднаш предизвика бурни реакции и дебати.

На платформата X, оваа објава со фотографијата брзо стана вирална. Многу љубители на фудбалот во коментарите изразуваат недоверба, наведувајќи дека играчите на Уганда, поради нивниот раст, мускулна структура и зрели црти на лицето, изгледаат значително постари отколку своите врсници од другите делови на светот.

🚨 𝗡𝗘𝗪: This picture of Uganda U15 at the CAF schools tournament in Zimbabwe is currently going viral on Social Media, with many people claiming these players are not U15. pic.twitter.com/IEhjfnaKoH

— The Touchline | 𝐓 (@TouchlineX) 11 април, 2026