Карагер без влакна на јазикот: Тотенхем е најлош тим во Премиер лигата!

Ливерпул вчера одигра 1:1 на свој терен против Тотенхем и по натпреварот, легендите Џејми Карегер и Рој Кин беа остри во своите критики кон сегашните шампиони. Карегер го нарече настапот „ужасен“, а Кин ја означи екипата на Арне Слот како „лоши шампиони“ кои прерано се потопија во славје за ланската титула, известува Дејли Мејл.

Ливерпул поведе во 18-та минута благодарение на голот од слободен удар на Доминик Собослаи, но гостите го изедначија резултатот преку Ричарлисон, кој погоди во судиското продолжение. Ова го означи веќе осмиот гол што Ливерпул го прими во 90-та минута или подоцна оваа сезона во Премиер лигата, поставувајќи нов рекорд за клубот.

Пред натпреварот се очекуваше убедлива победа на Ливерпул, со оглед на тоа што Тотенхем се бореше за опстанок и беше во низа од 11 натпревари без победа во лигата. Сепак, гостите освоија прв бод во последните шест кола и прв под водство на привремениот тренер Игор Тудор, за уште посериозно да ја истакнат кризата на Ливерпул во оваа неубедлива сезона на одбрана на титулата.

Џејми Карегер, кој работеше како ко-коментатор за Скај Спортс, беше крајно фрустриран и ја доведе во прашање иднината на тренерот Арне Слот и некои од играчите ангажирани летоска.

„Настапот беше ужасен. Без навреда за Тотенхем, но тие во моментов се најлошиот тим во Премиер лигата, веројатно веќе неколку месеци. Токму тоа е противникот кој сакате да го пречекате на свој терен, со поттик од резултатот на овој викенд, а вие се претставувате вака. Така беше цела сезона“, изјави Карегер, кој во својата кариера го носеше дресот на Ливерпул и играше за него од 1996 до 2013 година.