Неверојатна сцена во Хрватска: Кошот се сруши додека кошаркар забиваше (Видео)

Драматичен настан се случи на натпреварот помеѓу Кварнер и Сплит во Риека, каде што беше избегната потенцијална катастрофа.

При водство на домаќините од 48:47, центарот на Сплит, Дамејо Вигинс, изведе импресивно забивање, задржувајќи се на обрачот. Во истиот момент се скрши целата структура на кошот и падна директно врз паркетот.

За среќа, Вигинс успеа да се помести во последен миг додека лежеше на подот и избегна посериозни повреди – конструкцијата едвај го допре. На помош веднаш му притрчаа соиграчите, играчите на Кварнер, тренерите и службените лица, и според првите информации, се поминало без последици.

Во овој момент не е познато точно што го предизвика падот на конструкцијата, но очигледно е дека кошот не беше доволно добро фиксиран. Натпреварот беше кратко прекинат, а играчите повторно се загреваа додека опремата не се врати во функција.

Сè завршило добро… Wiggins го надмина инцидентот на натпреварот помеѓу Кварнер и Сплит pic.twitter.com/7cbaT76cyX

— Aleksandar Ilić (@aleks89ilic) March 13, 2026