Руни открива бизарен подарок што го добил од Марадона

Вејн Руни откри како му легендарниот Диего Марадона во една прилика во ресторан во Манчестер му подарил сопствена вратоврска, при што тоа се случило откако Руни, тогаш бесен на тренерот Сер Алекс Фергусон, влегол во локалот директно од натпреварот. Поранешната ѕвезда на Манчестер Јунајтед се присети на тој необичен состанок во својот подкаст додека зборуваше за омилените стадиони.

Сето тоа се случило по првиот натпревар од осминафиналето на Лигата на шампионите 2013 година против Реал Мадрид на Сантијаго Бернабеу. „Игравме добар натпревар. Дени Велбек даде гол со глава по мојата центрирана топка од корнер и заврши 1:1″, се присети Руни на тој ден.

И покрај добриот резултат на гостувањето и неговата улога, Фергусон одлучи да го остави на клупата во реваншот. “Ме повика и ми рече дека ќе бидам на клупата, што ме налути. Играв надвор од својата позиција, го работев своето за тимот и помогнав да извлечеме добар реми, а на крајот дома загубивме 2:1” , се присети Руни.

Тоа што следеше по тој натпревар беше уште незаборавно. Руни, лут поради поразот и својот статус во тимот, замина во еден популарен кинески ресторан што фудбалерите често го потсетуваат.

„Тоа вечер отидов во ресторанот во клупска тренерка, а таму беше Марадона. Се фотографирав со него, се разбира. Тој беше цел облечен во костум и вратоврска, а потоа одеднаш ми ја даде таа вратоврска. Беше малку чудно, ја извади од врат и ми ја предаде додека јас бев во тренерка”, објасни Руни.