Легендата на Јувентус, Алесандро Дел Пјеро, јавно го критикуваше тренерот на Интер, Кристијан Киву, и дефанзивецот на тимот, Алесандро Бастони, по спорното исклучување на Пјер Калулу во големото дерби меѓу овие два тима во саботата.
На стадионот „Сан Сиро“, Интер го совлада Јувентус со 3-2 и ја зголеми предноста во Серија А на осум бодови. Меѓутоа, главна тема после натпреварот беше црвениот картон кој Калулу го доби во 42-та минута поради вториот жолт картон.
До кога ќе дишеме отровен воздух!? | Уште еден поткаст
Калулу првично беше казнет со жолт поради прекршок врз Никола Барела, што многумина го оценија како престрого, а вториот жолт го доби за наводен прекршок врз Бастони.
По натпреварот, Киву ја бранеше одлуката, опишувајќи ја реакцијата на Бастони како „мал допир“, но инсистираше дека Калулу како искусен играч требал да го избегне контактот.
“Дури и ако беше мал допир, мојот играч го почувствува контактот додека трчаше на полна брзина. Калулу треба да знае дека во вакви ситуации рацете треба да ги држи подалеку”, рече Киву за Sky Sport Italia.
Дел Пјеро не се согласи со коментарите на Киву и го критикуваше Бастони за претераната реакција на контактот.
“Киву прави одлична работа оживувајќи еден силен, но можеби малку постар Интер. Според мое мислење, направи грешка во своите коментари за исклучувањето”, изјави Дел Пјеро за Corriere dello Sport и продолжи:
“Очекував поинакво толкување на она што се случи. Интеру ова исто така не му е потребно”.
Учество во игри на среќа е дозволено за лица со 18+ години. Играј одговорно!