Леброн: Не сум сигурен дека ќе играм наредната сезона

Леброн Џејмс, еден од најдобрите кошаркари во историјата, моментално ја игра својата 23. сезона во НБА лигата.

Ѕвездата на Лејкерс е во центарот на вниманието на медиумите за време на Ол стар натпреварот во Лос Анџелес, со главното прашање дали ќе продолжи и следната сезона на кошаркарските терени на НБА лигата.

„Сакам да живеам. Штом јас знам, и вие ќе знаете. Моментално, не сум сигурен. Немам одлука,“ нагласи Џејмс.

Леброн има 41 година и оваа сезона му е последна од договорот со Лејкерс, во кој треба да заработи 52,6 милиони долари.

„Целосно сум насочен кон оваа сезона. Сакам да се пласираме во плејофот и да се бориме за титулата. Единствено се надевам дека ќе бидеме здрави, бидејќи тоа е предуслов за секој квалитетен успех,“ заврши Џејмс.