Може ли Роналдо да го достигне невозможното? Во 2026 година има две јасни цели

Кристијано Роналдо низ својата долга и успешна кариера постави многу рекорди, кои на многумина ќе им биде тешко дури и да им се доближат. Португалецот во моментов има 948 гола (според Transfermarkt), што е само 52 помалку од неверојатната бројка од 1000 гола, бројка која никој досега не ја остварил во официјални натпревари. Иако неговата главна цел за 2026 година е да го освои Светското првенство, шесто на кое ќе игра, неговата индивидуална цел е јасна, сака да стане првиот фудбалер кој ќе постигне илјадити гол во кариерата.

Кристијано постигна 948 гола во 1293 меча од денот кога дебитираше за Спортинг Лисабон во 2002 година. Неговата просечна ефикасност од 0.73 гола на натпревар низ целата кариера е зачудувачка, а со заминувањето во Ал Наср во 2023 година, не само што не го забави темпото, туку стана уште поефикасен.

Во Саудиска Арабија постигна 104 гола во 117 настапи, што му ја зголеми просечната ефикасност на фантастични 0.88 гола по натпревар. Со овој ритам, кој дополнително го засили оваа сезона со 12 гола во 13 натпревари, и под услов да избегне повреди, Роналдо може да стигне до магичната бројка од 1000 гола за околу 60-тина натпревари.

За време на 2025 година, тој одигра 46 натпревари за клубот и репрезентацијата, а десет ги пропушти поради повреда. Ако Португалија постигне добар резултат на Светското првенство, не е нереално да се очекува дека оваа цел може и да ја оствари.

Предизвикот е огромен, но за Кристијано Роналдо не е невозможен. Во 2023 и 2024 година постигна повеќе од 50 гола (54 и 51), бројки кои потсетуваат на неговите најдобри времиња во Реал Мадрид, кој го напушти во 2018 година.

Неговата глад за победа и голови не се намалува со годините. Откако премина во саудискиот фудбал, екипните трофеи му избегнуваат, но не и наградите за најдобар стрелец, кои ги освои во последните две сезони. Со истата цел влегува и во оваа сезона, кога ќе го прослави својот 41-ви роденден.

• Реал Мадрид: 438 настапи, 450 гола, 131 асистенција
• Манчестер Јунајтед: 346 настапи, 145 гола, 73 асистенции
• Јувентус: 134 настапи, 101 гол, 28 асистенции
• Ал Наср: 118 настапи, 104 гола, 22 асистенции
• Спортинг: 31 настап, 5 гола, 6 асистенции
• Португалија: 226 настапи, 143 гола, 46 асистенции