Екипата на Барселона продолжува да биде активна во потрагата по нови фудбалски таленти ширум светот. Овојпат вниманието го насочиле кон Египет и младиот 17-годишен напаѓач кој веќе привлекува големо внимание.
Од претходно е познато дека клубот работи на трансферот на Хамза Абдулкарим, талентирано напаѓачко момче од египетскиот гигант Ал Ахли, со идеја да го вклучат во Барса Атлетик за почеток.
Воздухот што нè убива: Зошто Скопје е меѓу најзагадените градови?
Младиот центарфор ги остави скаутите на Барселона без здив со своите игри, а клубот е подготвен да делува веќе во јануари.
Планот на Барселона е кристално јасен – Абдулкарим прво ќе ги засили резервите, а со време и развој ќе добие можност да настапува и за првиот тим.
Според извештаите од Египет, кои ги пренесува Mundo Deportivo, Барселона веќе упатила прва официјална понуда до Ал Ахли.
Понудата на каталонците се состои од модел на позајмување со можност за откуп.
Конкретно, клубот предлага шестмесечен период на позајмица без финансиска компензација, до јуни, со опција за купување во вредност од 4 милиони евра.
Овие средства би биле распределени така што милион евра ќе биде фиксна сума, додека останатите три милиони ќе бидат поврзани со бонуси и учинокот на играчот.
Како што веќе претходно беше објавено, Абдулкарим во јануари би пристигнал во Барса Атлетик, каде моментално има недостиг од класични напаѓачи.
Учество во игри на среќа е дозволено за лица со 18+ години. Играј одговорно!