Елмас: Ќе направам сè што можам само Наполи да победува!

Македонскиот репрезентативец Елиф Елмас одигра 90 минути во пресметката со Јувентус, во која Наполи славеше со важни 2-1.

Фудбалерот на Наполи истакна дека е подготвен да игра каде и да му биде побарано, само тимот да победува.

„Се обидувам секогаш да го дадам максимумот. Во моментов е потребно да покријам подефанзивни обврски во средината и мислам дека добро се снаоѓам. Најважно е што ја освоивме победата. Ако тренерот има други барања, ќе направам сè за да ги исполнам,“ изјави Елмас.