Екипата на Вардар продолжува да ја воодушевува домашната фудбалска јавност. По 15 одиграни кола, „црвено-црните“ не само што го држат врвот на табелата, туку се и единствениот тим кој сѐ уште не знае за пораз во шампионатот.
Со биланс од 12 победи и три ремија, Вардар се наоѓа чекор пред Струга, која со 12 триумфи, две нерешени средби и еден пораз останува на два бода заостанување зад лидерот.
Исхрана, повреди и тренинг – совети од доктор по спортска медицина | Уште еден поткаст
Ваквата импресивна серија го сместува Вардар и меѓу најдобрите европски клубови според бројот на одиграни натпревари без пораз. Според актуелните податоци, избраниците на Гоце Седлоски се втори на континенталната листа – пред нив е само Славија Прага со 17 мечеви без пораз. Сепак, Чесите имаат шест ремија и 11 победи, па така Вардар е тимот со најмногу остварени триумфи меѓу клубовите што се на оваа престижна листа.
Зад Вардар се редат Фенербахче (9-5), Диферданџ (10-3), Баерн Минхен (11-1), Порто (11-1), Бенфика (8-4), Тре Фиори (8-3), Ла Фиорита (6-5) и Линколн (8-1).
Учество во игри на среќа е дозволено за лица со 18+ години. Играј одговорно!