Сантос синоќа на својот терен го победи Спорт Ресифи со 3:0 во натпреварот од 36-то коло на бразилската Серија А, а во центарот на вниманието се најде Нејмар поради тоа што го изјави кога заврши натпреварот.
Сантос пред своите навивачи дојде до многу важна победа во борбата за опстанок и избега од зоната за испаѓање.
Од лозје до чаша: Уметноста на виното со Теодор Бојаџиев | Уште еден поткаст
Овој тим на својот терен го угости најслабиот тим Спорт Ресифи и го победи со 3:0, а одличен натпревар одигра Нејмар.
Нејмар беше на теренот до 90-та минута и заслужено ја доби наградата за играч на натпреварот, со оглед на тоа дека постигна гол и запиша асистенција.
Тој му донесе водство на Сантос во 25-та минута кога одлично постигна гол за 1:0, а запиша асистенција во втората половина од второто полувреме кога Жоао Шмидт го постави конечниот резултат 3:0 за домашниот тим.
Меѓутоа, Нејмар најмногу внимание предизвика по натпреварот кога одлучи да застане пред камерата и да го каже сето она што му “лежеше на душата”.
Имено, во последно време појавуваат се разни шпекулации дека тој игра со повреда на коленото и дека одбива да оди на операција, и дека користи алтернативни начини за да се обиде да го реши проблемот што го има, со што ја ризикува својата кариера.
Но, Нејмар одлучи да стави крај на тие разговори и порача дека тоа се само измислици и дека не му е јасно како некој може да зборува такви работи без никакви докази.
„Никогаш не би наштетил на својата кариера и тоа е сè што ќе кажам, сè друго се само шпекулации. Луѓето измислуваат многу работи што ме многу лутат. И јас сум само човек и никој не заслужува да чита за себе такви измислици. Мора да бидете многу внимателни затоа што тие работи му штетат на менталното здравје”, порача Нејмар.
🪄🇧🇷 HAY GOL DE NEYMAR EN SANTOS.
— Sudanalytics (@sudanalytics_) November 29, 2025
Recordemos que está jugando LESIONADO a pesar de las advertencias de los médicos. ‼️pic.twitter.com/4LamiWaezR
Учество во игри на среќа е дозволено за лица со 18+ години. Играј одговорно!