Клер Волш, поранешна вработена во Челзи, ја призна вината за измама на клубот, присвојувајќи сума што надминува 200.000 фунти. Волш работела во лондонскиот клуб повеќе од две децении, а во јули 2020 година ја презеде функцијата постојан заменик благајник.
Според информации објавени во „Телеграф“, случајот стана познат во пролетта 2022 година, кога Челзи беше информиран за прекршокот и веднаш го пријави до надлежните органи.
Од лозје до чаша: Уметноста на виното со Теодор Бојаџиев | Уште еден поткаст
За време на постапката, судијата се обрати на обвинетата, изјавувајќи дека случајот мора да биде предаден на следниот судски орган.
– Како што обвинетата ја призна вината за измама во износ поголем од 200 илјади фунти на штета на Челзи, ова го надминува нашиот судски капацитет за изрекување казна, па случајот мора да биде предаден на Кралскиот суд – пренесуваат британските медиуми зборовите на судијата
Судењето ќе се одржи во Кралскиот суд, а датумот ќе биде одреден подоцна.
Условната служба ќе стапи во контакт со обвинетата преку нејзиниот адвокат, и ќе ѝ биде од корист доколку соработува со надлежните органи, а до тогаш ќе биде на слобода со кауција – додаде судијата.
Учество во игри на среќа е дозволено за лица со 18+ години. Играј одговорно!