Штимац повеќе не смее на протести, двапати месечно мора да се јавува во полициска станица

Вишиот суд во Белград делумно ја усвои жалбата на Вишото јавно обвинителство во Белград и го измени првостепеното решение на истражниот судија, со кое беше одбиен предлогот за определување притвор на кошаркарот Владимир Штимац.

Со оваа одлука на судот, како што дознаваме, на Штимац му е изречена мерка на забрана за приближување, состаноци или комуникација со одредени лица и посетување на одредени места – така што му се забранува да посети било кој јавен собир, регистриран или нерегистриран.

Исто така му е наложено секој 1. и 15. во месецот да се јавува во надлежната полициска станица.