(Видео) Неверојатниот Меси со два гола и асистенција го одведе Мајами во полуфинале на Истокот

Лионел Меси со феноменална изведба го одведе Интер Мајами во полуфиналето на Источната конференција во МЛС. Во одлучувачкиот натпревар со Нешвил, Меси постигна два гола и асистенција и така беше клучен во победата од 4:0, односно во вкупната победа од 2:1 во серијата.

Меси постигна за 1:0 во десеттата минута со низок удар од нешто повеќе од 16 метри, а до 2:0 зголеми во 39. минута од слична ситуација, но овојпат на празен гол. Во 76. минута Тиаго Алмада погоди за 3:0, по што три минути подоцна Меси му асистираше за конечните 4:0.

Покрај блескавото изведување со кое го одведе Интер Мајами во следната фаза на натпреварувањето и за тоа на „Софаскор“ доби оценка 10, Меси постигна и јубилеј. Асистенцијата на Алмада му беше дури 400-та во кариерата.